Conforme  o Convenio de colaboración asinado, o 2 de xaneiro de 2009, entre a Dirección Xeral do Catastro da Secretaría de Estado de Facenda e Orzamentos e este Ilustre Colexio Provincial de Avogados de Lugo, en materia de xestión catastral, ofrécese este servizo tanto para os nosos colexiados como para os cidadáns.

Este servizo permite facilitar aos interesados: 

• Información de carácter xeral e particular dos inmobles.
• Asesoramento sobre as obrigacións co Catastro.
• Notificación por comparecencia nos procedementos catastrais.
• Consulta libre e certificación dos datos catastrais non protexidos e da cartografía dixital.
• Consulta e certificación electrónica para os titulares catastrais de datos catastrais protexidos, relativo aos inmobles da súa titularidade.
• Obter certificacións negativas de bens inmobles ou da circunstancia de non figurar como titular catastral, relativa ao propio solicitante.