A Federación pola Igualdade das Mulleres da Provincia de Pontevedra, Femupo ten o pracer de cursar a seguinte invitación:
Tras o éxito das Xornadas Xurídicas VIOGEN FEMUPO organizadas o ano pasado, este ano lanzamos a 2ª edición das mesmas centradas, nesta ocasión, na adolescencia dado o aumento de casos detectados entre os máis mozos. Nesta II Xornadas Xurídicas VIOGEN FEMUPO participarán axentes sociais, xuíces/as, avogados/as, equipos de psicologos/as forenses, forzas e corpos da seguridade do estado e representantes da Secretaría Xeral de Igualdade e da Subdelegación de Goberno que, desde as súas diferentes áreas de especialidade, abordarán a violencia de xénero centrándose no aumento entre a xuventude.
O obxectivo destas xornadas é a formación especializada e actualizada dos/as profesionais que traballan contra a violencia machista. En anexo remitimos cartel e programa. As sesións desenvolveranse a través da aplicación Zoom todos os xoves do mes de xuño a partires das 17:30 horas.
Anímese a participar!! Xa pode inscribirse a través do seguinte enlace https://bit.ly/3bU63Ce
O PRAZO DE INSCRICION REMATA O 1 DE XUÑO.